Configuración rede VirtualBox

Introducción

Queremos explorar os diferentes tipos de conexión de rede que posúe Virtualbox. Conectaremos dúas máquinas Virtuais con Windows 7 en rede nos diferentes modos posibles, e examinaremos a súa conexión entre eles, co equipo real, e con Internet.

• A dirección do Router é 192.168.0.1
• Instalamos unha máquina con Win7 e clonámola. Na 2º máquina renovamos dirección MAC

Habilitamos o Ping

Para comprobar que teñen rede, establecemos unha rede no firewal para que responda o Ping, xa que pode que o Win7 por defecto non responda.

Tipos de redes VirtualBox

Na versión 5 de VirtualBox podemos atopar as seguintes configuracións de rede

• Non Conectado:

Temos unha tarxeta de rede, pero é como se o cable non estivese conectado. NAT É o modo máis sinxelo de ter rede na nosa máquina. VBOX “pon un router” entre o equipo virtual é o real. O router fai NAT entre a máquina real e a virtual

• Rede NAT

A diferencia co caso anterior é que neste caso o router que fai NAT, funciona como un router doméstico, é dicir tódolos equipos configurados así poderán comunicarse entre eles. Adaptador Puente (bridge) Nesta configuración é como se as máquinas virtuais estiveran conectadas directamente o router da rede real e terán unha IP da rede real.

• Rede Interna (Internal Networking)

Permítenos construír redes illadas, só haberá comunicación entre os membros da rede interna.

• Adaptador sólo anfitrión

Permítenos definir unha rede interna á que pertencerá tamén o equipo anfitrión. Este modo permite que a MV se comunique pola rede co equipo real aínda que o real non estea conectado a ningunha rede física.

Configuración de Rede	Acceso a Internet	Acceso á Máquina Real	Acceso a outras MVs
Non conectado	Non	Non	Non
NAT	Si	Non	Non
Rede NAT	Si	Non	Si
Adaptador Ponte	Si	Si	Si
Rede Interna	Non	Non	Os membros da mesma rede interna
Adaptador Só anfitrión	Non	Si	Si

Configuración Bridge

Nesta configuración é como se as máquinas virtuais estiveran conectadas directamente o router da rede real e terán unha IP da rede real.

Se a máquina real non está conectada a ningunha rede física as virtuais tampouco terán rede.

Configuración NAT

A máquina ten unha IP interna que sempre é 10.0.2.15. Pero tamén é capaz de saír a Internet a través da tarxeta de rede real.

• Vantaxe: Podemos crear configuracións de rede que non interfiran na rede real.
• Problema: Se configuramos as dúas máquinas como NAT, saen a Internet pero non se ven entre elas.
• Solución: Agregamos unha segunda tarxeta de rede a cada equipo e configurámola como unha rede interna.

Cada equipo terá dúas tarxetas de rede:

• • Tarxeta de Rede 1 (10.0.2.15): Para ter saída a Internet
  • Tarxeta de Rede 2: Para ver o outro equipo.

Configuramos os equipos segundo o seguinte diagrama e comprobamos que teñen rede.

Se Iniciamos MV1 comprobamos como ten dúas tarxetas de rede

MV1	Conexión de Área Local Está conectada a rede NAT IP: 10.0.2.15 Netmask:255.255.255.0 GW:10.0.2.2	Conexión de Área Local 2 Está conectada a rede Interna IP: 169.254.158.145 Netmask:255.255.0.0
MV1	Conexión de Área Local Está conectada a rede NAT IP: 10.0.2.15 Netmask:255.255.255.0 GW:10.0.2.2	Conexión de Área Local 2 Está conectada a rede Interna IP: 169.254.221.138 Netmask:255.255.0.0

Se dende MV2 facemos ping a 169.254.158.145 Podemos facer ping dende calquera máquina a Internet.

Port Forwarding

Se executamos un servidor, por exemplo na MV1, este non será accesible dende a rede real, xa que está conectada mediante NAT. Podemos empregar a característica de Port Forwarding para executar un servidor na máquina virtual e dar a impresión de que se executa na máquina real.

Por exemplo: Podemos instalar un servidor web na máquina virtual (XAMPP) e acceder a ela dende a rede real redireccionando o porto 80

Acceso dende o equipo real a unha MV GNU/Linux con NAT mediante ssh empregando Port Forwarding

A 1º tarxeta de rede da MV está configurada por NAT, polo que non podemos comunicar o equipo real coa MV.

Para facelo podemos empregar redireccionamento de portos (port forwarding). Redireccionaremos o porto TCP/2222 da máquina real o porto TCP/22 (SSH) da máquina virtual.

	Como deixamos host IP baleiro, calquera máquina que se conecte o porto 2222 da nosa máquina comunicarase coa MV

Na máquina real comprobamos que temos o porto aberto

root@debianRojas:/home/rojas# netstat -nap | grep 2222 
tcp        0      0 0.0.0.0:2222            0.0.0.0:*               LISTEN      9967/VirtualBox

Para que a configuración sexa efectiva é preciso apagar a máquina e o virtualbox. Logo reiniciamos a máquina.

Na nosa máquina temos que instalar un servidor ssh

apt-get install ssh

E permitir o acceso ssh do root

/etc/ssh/sshd_config 
PermitRootLogin yes

Conectámonos dende o equipo real

ssh -p 2222 root@127.0.0.1

Configuración NAT Networking

VirtualBox permítenos definir unha rede NAT, para que os equipos se comuniquen entre si nunha rede privada pero tendo tamén acceso a Internet. Neste caso cada equipo só precisaría unha tarxeta de rede e veríanse entre eles e ademais terían acceso a Internet.

Para definir a rede NAT: Arquivo -> Preferencias -> Red

Configuramos a tarxeta de rede de ambas máquinas con esta rede NAT.

MV1	MV2

Arrancamos ambas máquinas e deixamos a súa tarxeta de rede configurada por dhcp. Obteñen a seguinte configuración:

IP: 10.0.2.4 Netmask:255.255.255.0 GW:10.0.2.1	IP: 10.0.2.5 Netmask:255.255.255.0 GW:10.0.2.1
MV1	MV2

Asegurámonos que esté habilitado o ping no Firewall de ambos Windows.

Na MV1 facemos as seguintes comprobacións

Ping a outro equipo	Ping a Internet

Rede Nat sen DHCP

Modificamos a configuración da rede NAT e eliminamos o Servidor DHCP proporcionado polo virtualBox

• Arrancamos as Máquinas Virtuais
• Non teñen rede, temos que configurala manualmente cunha IP do rango definido na RedeLocal.

MV1	MV2

Dende a MV2 comprobamos que vemos a MV1 e que temos acceso a Internet

Ping a outro equipo	Ping a Internet

Rede Interna

Este configuración proporciona moita seguridade, xa que a conexión e só entre os equipos membros da rede. Podemos crear varias redes Internas e asignarlle distintos nomes

Creamos dúas MV configuradas en Rede Interna, por defecto pertencen a rede intnet.

Esta rede non ofrece DHCP, polo que teremos que asignar unha IP estática para que se comuniquen as máquinas Virtuais.

MV1	MV2

As MV’s vense entre elas, pero non teñen saída a Internet nin a Máq Real

Adaptador Só Anfitrión

Permite que a MV se comunique co anfitrión aínda que o anfitrión no este conectado a ningunha rede física. Na modo bridge esto é necesario.

Por defecto temos dúas redes dispoñibles. Se temos un servidor DHCP instalado podemos indicalo na configuración das redes

IP Do anfitrión IP: 192.168.56.1 Netmask:255.255.255.0	IP Do anfitrión IP: 192.168.57.1 Netmask:255.255.255.0
VBoxnet0	VBoxnet1

Para que a MV se comunique co anfitrión temos que configurar unha IP fixa.

• 192.168.56.2
• 255.255.255.0

Poderá comunicarse co anfitrión ou con outros equipos da mesma rede interna pero, a non ser que teñamos configurado o enrutamento na máquina real, non teremos acceso a Internet.