StrongSwan

Creación dunha VPN con StrongsWan

StrongSwan é unha implementación de VPN basada en IPSEC incluída nos repositorios oficiais Debian, que ofrece múltiples características, entre elas o traspaso de NAT mediante encapsulación UDP e o uso de IKEv2 para a autenticación, soportada en Windows 7 e Android. Podes consultar as características completas na [páxina de StrongSwan].

En este artigo, configuraremos un servidor StrongsWan que permitirá o establecimento dunha VPN IPSec entre unha rede local e clientes remotos Linux ou Windows 7 mediante o uso de certificados expedidos por unha autoridade de certificación na que teñamos confianza. Neste caso concreto, os certificados serán expedidos pola CA IES de Rodeira, que se encargará da firma das solicitudes de certificados enviadas polos clientes e de proporcionar o servizo OCSP necesario para a súa verificación.

Certificados

Servidor VPN

O servidor VPN terá un certificado de servidor, firmado dixitalmente pola autoridade CA IES de Rodeira. Debemos: a) Habilitar extensións nas solicitudes de certificados, descomentando a liña req_extensions = v3_req na sección [req] de /etc/ssl/openssl.conf

b) Indicar na sección [v3_req] que será un certificado de autenticación, e o nome do servidor para o que se vai a utilizar. (Neste caso será 'DNS:vpn.iesrodeira.com), mediante as propiedades extendedKeyUsage e extendedAltName

extendedKeyUsage = serverAuth subjectAltName = DNS:vpn.iesrodeira.com

c) Crear a chave primaria e a solicitude de certificado

openssl req -newkey rsa:2048 -keyout vpn.iesrodeira.com.key -out vpn.iesrodeira.com.csr

d) Enviaremos a solicitude de certificado (vpn.iesrodeira.com.csr) a autoridade de certificación (CA) IES de Rodeira, que realizará a firma do mesmo e nos entregará o certificado, vpn.iesrodeira.com.crt.